印尼皮影戲

教希臘文和希臘文化既老師，邀請我地去睇其他文化既表演。佢想喺其他文化搵類似古希臘劇場既元素，例如神秘主義、鄰里生活。呢日我哋去睇印尼爪哇既民間皮影戲。巴黎世界文化中心（maison des cultures）邀請咗印尼皮影劇團，在巴黎東面凡仙森林（vincenes）既太陽劇場（theatre du soleil）表演。Vincenes裡面有個地方叫catoucherie，即係往日製造/儲存子彈既地方。依家變咗幾個劇場既根據地。太陽劇場都幾大，由3個相連既大hall組成。左手面個hall入到去就係canteen，尋日因為表演印尼野，連菜色都係印尼。睇完戲之後我老師同佢朋友留係果度食野。中間個hall存道具，但係都好open。牆上有d佛教裝飾，唔知係咪為左呢次表演而整。第三個hall一邊係舞台，另一邊係看台。

 舞台中間搭咗個小幕，就係用黎表現皮影既。 唔係好大，因為個皮影師坐係度舞動d皮影，咁佢隻手可以伸到幾遠，個幕就幾闊。大概8、9尺。個幕既框裝飾到好似一座廟咁。皮影係結合咗皮影偶、講故事、 唱歌、音樂。所以係成隊team咁表演。個幕後面坐坐皮影師，佢好似講古佬咁，一邊玩皮影偶一邊講故事，一個人扮唔同角色既聲。

佢係講印尼話既，加上呢種表演某程度上係即興發揮，所以冇法文字幕。係個幕上面另外吊住一個打橫既幕，投射個一幕既法文劇目。而詳細既對白，就有個跟開呢個 戲班既白人女人負責即時翻譯。佢同樂團坐係師傅後面。師傅講對白，佢就即時打英文翻譯落個notebook，舞台左右兩方投射佢打既英文字幕。個字幕唔係 太清楚，所以都睇得幾辛苦。我就follow到個劇情，但係我估現場既法國人唔係個個都follow到。

好似係國王同奸臣

個故事講有個王子Bima，佢係國家祭師既得意弟子。佢想追尋真理，老師叫去俾耐性。國王受到奸臣唆擺，要鏟除呢個王子，驚佢搶自己王位。奸臣就帶著國王 既口諭去叫祭師殺王子。祭師冇得唔應承，就叫王子去一座好危險既山冒險。咁如果王子死咗，祭師就完成國王既使命，但如果王子咁都唔死，就係天意要王子變得 強大。王子聽到老師叫自己去上山，以為去修煉，就好開心。老師叫佢搵『風之巢』。王子上到山就不斷拔樹，去搵個唔知係點樣樣既『風之巢』，驚動兩個孖生既 山妖。山妖好似青蛙咁既樣，打算食左王子，但俾王子打敗。一個唔知乜神就釋放咗，同時將王子變形，提升到類似神咁既款。王子返來，老師好開心，但要繼續幫 國王殺佢，就叫王子去印度洋深海探險。王子落到去有遇到另一個海神，王子打贏海神。然後王子既靈魂出左黎同自己身體對話，然後王子搵到佢想搵既真理，身心 靈魂合一。

我覺得套劇係來自一個好長既故事，好似西遊記咁，所以冇講到王子同國王後來會打定係和解。比較得意既係，大會係舞台既左右兩邊放咗d長凳。佢邀請我哋觀眾係表演既時候，上舞台既左右兩邊，去睇布幕後面既情形。咁觀眾就慢慢輪住咁上台，冇話有工作人員指揮，大家都係見個台冇乜人就上，不過就算多人都ok，最多坐地。都幾別開生面既文化展覽。

個幕本身擋唔曬後面既樂隊。所以在觀眾席都見到一班樂師在後面。d樂器都係放係地下，有幾個人負責敲擊鐘、拉類似二胡既gamelan。一個女人負責唱 歌。總共10來個人。d音樂好似打齋咁，loop住咁去，有時大聲有時細聲，有時會轉下melody，但感覺都係loop住既。都好有宗教同埋靈修味道。 當然皮影戲本身就係宗教儀式之一。個女人好似靈媒咁唱。完全冇翻譯所以唔知唱乜。但有時個皮影師傅都會唱幾句。

呢班人雖然分工，但個feel唔係西方果種plan到實晒。我會用出海打魚去形容。即係個皮影師係船長，後面唔同樂師好似水手咁有唔同崗位。但大家因為太 熟，所以好似冇一個plan都會自動波咁合作到，推動架船（個故事）前行。最特別既係，係呢個主線之外，有好多即興既野。個皮影師傅會無啦啦講一句 gag，後面既樂師會一齊咁笑幾聲。呢種笑可以話係佢地自己既inside joke，但同時都幫劇情添上氣氛。例如兩個孖生青蛙怪出場，A話好肚餓，想入城食肉。B就話唔好，呢排好多牛肉其實係馬肉。觀眾見到字幕就大笑。然後師 傅就話，覺得好得意，因為成日講完笑幾秒之後d人至笑。我哋有再大笑。不過前排有十來個觀眾係印尼人或者識印尼文既法國人，佢地就可以同步咁笑。 另一個笑話係，師傅話係印尼會將d皮影偶插落d蕉度，但法國就要用發泡膠，成日跌。

相比起動畫，皮影戲既限制都唔少，人物既動作靠師傅既雙手。所以要用有限既動作去表達成個世界，都幾有趣。如果動作要好精細，佢就會將個皮影偶插係幕後，齋 郁隻手，去篤下人，幾搞笑。其他都係大動作，例如一個人踢另一個人，佢地既走位顯示邊個打低邊個。有d動作更係抽象既，例如芭蕉形既樹木除左代表樹，係海 洋果幕就打橫放，代表海浪。如果要代表時間流逝，就將棵樹離開個幕fing來fing去，就會製造一個模糊既影打橫飛過。我係台側面望個師傅玩佢d皮影 偶，個觀感非常唔同。看台上面就好似睇電視咁集中睇影子既動作，同埋聽d影子既對白。但係後面睇，d皮影偶係彩色既，畫得好仔細。個師傅一個人兩隻手，對 住一幅唔透明既白布（因為光源在身後），調動唔同既皮影偶。有d似細路仔玩玩具，自己拿住一架車撞另一架車，發出『銀牙』既聲。師傅心口有支mic。呢種 講古佬要一邊講故事一邊搞咁多野，都幾神奇。有幾個打鬥場面，佢要將個皮影偶拋响半空打個跟斗，然後接返住。觀眾都拍手，但我覺得反應唔夠熱烈。我唔能夠 講呢個係中西之間既分別。但我想起兩種拍手。一種係表演過後，觀眾透過拍手去表示自己既欣賞、認同。另一種係表演途中，觀眾拍手去表示自己想『睇多d』， 類似encore咁。我印像中粵劇某d場面，例如fing水髮，大家會不斷拍手去鼓勵個表演者繼續fing落去。都係果句，前排既某d識得印尼話既觀眾係 最投入，反應最多同最快。呢個都係lost in translation既遺憾。

呢套劇俾我另一個idea係怪物。裡面有d山妖orges好係日本既野。《Naruto》裡面既忍者可以呼召怪物，現代日本繼續發揚呢d民間故事。我就想 起日本同印尼都係島國。而中國呢？我想起《山海經》裡面千奇百怪，但之後既故事，例如《西遊記》或者《聊齋》，裡面既怪物好似人咁既比例，頂多個頭變做動 物。其實好realistic。我有三個解釋。第一係我孤陋寡聞，其實中國係有好多唔似人既怪物（我指visualized咗既，或者文字描述得好仔 細）。第二係呢d怪物一向都有，直到近代至消失。例如皮影戲中國到二戰之前都好流行。我哋依家既中國怪物觀都係來自近代，例如『西遊記連環畫』同埋電影。 第三個解釋，係中國真係唔興非人形怪物。好早已經離開自然崇拜。同埋就算寫狐仙鬼怪既故事，目的都係關心人倫。

國家檔案局les Achives Nationales

今日趁最後一個開放日，參觀巴黎北面新落成既國家檔案館。

法國（相對於德國）好早就中央集權，所以保存既歷史 檔案比較完整，可以追溯到公元後六世紀。大革命年代法國成立檔案法，保護政府文件、提倡資料公開，都超過二百年喇！巴黎市中心瑪黑區本身都有間國家檔案 館，但早就飽和。所以90年代政府籌劃起間新既，09年開始動工，今年一月落成。法國大革命以來既資料將會由呢間新館負責，新到連卸任無幾耐既 Zarkosy既政府文件都運咗嚟。不過依家政府部門電子化，資料入晒電腦，往後既檔案唔會佔好多空間。而瑪黑既舊館就負責大革命之前既資料（都有成千幾 年架！）。另外喺楓丹白露都有間館，負責處理圖像文物同埋私人檔案。導賞人員同我哋講，呢間新館既資料儲藏室設備新好多，喺瑪黑既儲藏室太潮濕喇（『瑪 黑』就係沼澤咁解，有名你叫）。同埋呢度個空間劃一d，舊館既地下室好似迷宮咁（但咁又俾我好多想像空間喎）。
  
導賞人 員帶我哋喺外圍兜咗個圈，介紹下個建築有幾靚。建築分為兩部分。西面既建築好似幾舊窩夫疊埋一齊咁（係職員自己形容既），用作行政、展覽、閱覽室。東面既 建築似個大盒，有龐比度中心咁大、樓高十層，用嚟儲藏檔案。正如之前所講，檔案係由巴黎舊館搬過嚟，差唔多搬晒，d檔案有320公里咁長！（好多時候檔案 係用米去做單位既……）

我哋跟住參觀檔案儲藏庫，平日謝絕探訪。儲藏室其實同圖書館既中央館藏差唔多，唔會直接對外 開放，要你問佢佢至會搵人攞俾你。一層分開好多房間，每個房間二十幾排鐵架貼埋一齊，油壓操控。呢度嚴密監控濕度同溫度。另外政府檔案唔係以主題或者拉丁 字母劃分，而係跟返政府既排法。即係政府各部門本身點排d資料，來到檔案館就會原封不動咁排，唔會拆散。所以資料按部門去分成五個類別：1.行政（例如總 統）2.內政（例如戶籍資料）及司法，3.教育、社會福利，4.城市規劃、環保，5.私人捐贈資料（例如名人既書信）。而國防同外交就由相關部門自己存檔 （即係唔會咁易俾我哋攞料啦！）。我哋入咗一間『總統套房』，裡面既資料都係來自歷任總統。檔案用新既盒整齊放好，貼上編號同埋條碼。導賞員攞其中一個編 號AG/5（1）做例子。『AG』代表總統文件，『5』代表第五共和，『1』代表第一任總統，即係戴高樂。



檔案館裡 面有工場，負責修復爛咗既文件。所謂文件其實有好多唔同既材料，唔淨只紙張，仲有羊皮紙、木頭、玻璃（以前d菲林）……而部分材料其實係細菌、蛇蟲鼠蟻既 食物。溫度、濕度、壓力都會破壞物料。檔案館就有一班專家負責修復呢d文件，同埋確保新來既文件唔會爛。例如佢地用自己特製既文件盒，唔似我哋家用文件盒 咁甩色。佢地將d紙打直咁棟起，等到d紙唔會黐埋一齊。有時用薄紙去分開d好脆弱既紙。政府不斷送檔案來，加上私人機構既捐贈，都有好多文件要處理！職員 話有時會有老鼠屎，甚至老鼠骨頭！


最後來到閱覽室，空間非常闊落，d枱好大張，當然有時d文件例如地圖，需要好大空 間去攤開。市民俾年費入會就可以查閱資料。來到填妥表格，職員就幫你從儲藏庫攞資料，但要等45分鐘（巴黎瑪黑要等仲耐！）。好在可以網上預約，咁職員可 以幫你早d攞齊。導賞人員強調，雖然好多來搵資料既人都係學者或者專業人士，但佢地想俾市民大眾知道，人人都可以來搵資料既。因為資料係屬於公眾既。 今次開放日既主題係『Aux Archives, Citoyens!』即係叫市民大眾來，唔單只八卦下平時唔開放既儲藏庫，仲想推廣民間使用資料。

======================

我 暫時都係好奇而來既。之前上過一堂文學，講解Patrick Modiano既《Dora Bruder》。70年代既敘事者從40年代既舊報紙睇到一單新聞，一個猶太少女係二戰初期失踪咗。咁敘事者就本著好奇去追查呢位少女既踪跡。事隔二十幾 三十年，敘事者去政府檔案處翻查舊資料。雖然政府保存既係一d好冷冰冰既資料，例如生卒年月日、學業、婚姻、移民……但至少可以作為起點去重構一個人既歷 史。敘事者之後返番去少女住既區、讀過既學校去問人，一步步咁查落去，好多時都去咗掘頭行。d政府資料係好枯燥，唔會修辭造句，而且當中有好多空白。但正 正段歷史已經過咗去，幾微不足道既資料都可以引起好多想像。Modiano狂熱咁追查，唔係要還原乜大歷史既真相，而係從一d單調、零碎既資料，去重構一 個普通人既真實生命。

我既目光冇Modiano咁遠。舊資料對我來講，主要係用來豐富故事背景。我創作既時候有時會 寫到舊陣時，舊到甚至係我出世之前既事。我可以問返其他長輩、網上搵下舊照片咁。但人既記憶係片面既，而且未必可靠。政府好有系統咁記錄同儲存d資料，而 且資料涵蓋一個人以至一個城市，所以係好好既補充。到底我搬入牛頭角之前既牛頭角係點既樣既呢？政府檔案館幫到你！當然幫唔晒既，如果你好想知到1965 年農曆7月14既晚上，牛頭角下村（未落成，好似仲係木屋區）到底有冇德福廟，到底德福廟裡面拜神既係後生仔定係阿婆，到底佢心裡面係祈求保佑闔家平安定 係其他野……

======================
近日聽香港新聞話政府銷毀內部文件，幾多幾多尺咁。我初初好憤怒。如果係d唔見得光既野，咪封存50年囉！好似法國咁，又君主制到革命到共和，之後拿破崙稱帝然後皇室復辟再共和，然後拿破崙三世 帝制之後又再共和……不斷改朝換代，當中幾多叛變、騎牆、暗殺、處決、清算。但d資料都盡量保存落嚟，最多唔公開住。後世既學者就可以有憑據去重構歷史。 當然我係天真咗，唔排除其實當年法國都銷毀唔少既資料，如果唔係會有更多人前朝人物俾後來者清算。但依家係2013年，就算清算都係抄家同坐監姐！而且都 係根據法庭去判啦！檔案法保護檔案，對我來講就好似保護文物咁。越係要豐富香港既歷史同文化，就越要珍惜過去留底落嚟既野，俾後世去累積、沉澱。

但係政府多部門，每日用咁多紙，尤其係法國咁官僚，下下都寫信，我就有疑問，係咪真係一張公務員寫俾同事既memo紙都要保留？我暫時既理解係，只要係一份正式既文件，都應該會保留既。不過好多文件都儲存係各區政府部門。突然之間，我腦海出現呢320公里既紙（即係被斬既樹木），如果每份文件都講少少歷史， 加起上黎就好沉重！

董啟章 milk新書介紹

青少年圖書展 salon de livre de jeunesse

趁著免費去了Salon de Montreuil的兒童圖書出版展。沒有帶著任何期望，純粹觀察。會場頗大，佔兩層。書商有大有小，也有其他國家例如韓國和台灣的書商。

Baudoin 也來了為fans畫畫。Baudoin拿著小號畫筆，不用起稿，用墨水直接在書上畫。他站著來動筆，與畫面保持一段距離，整體地畫。跟在座其他幾位畫家相 比，我認為Baudoin的功力更深。其他人坐著畫，有點拘謹。我非常敬佩Baudoin的功力，但我自己走的卻是相反方向。也許是因為我正在畫一些不開 心的東西，所以我就是要拘謹、細眉細眼、小心經營。也許有天我要畫些開心的東西，就會用這種直接、宏觀的態度去畫！


嘉 露覺得我好像對baudoin不感興趣。也許是我被我自己的project所困擾，我對這個世界有點提不起勁。我好像只留意和重視一些對我project 有幫助的東西。其實這本來是一件好事，透過project去認識世界。但現在看來我好像透過project去否定世界。


我在書攤找到一點驚喜。幾個風格值得參考的插畫家。
Kitty Crowther比利時插畫家，非常有名，上年還奪得Astrid Lindgren Memorial Award

Carl Norac, Isabelle Chatellard
我非常喜歡她的完全pattern化。

Ghislaine Herbera拿到2010年salon montreuil的Le Prix du premier album

Beatrice Alemagna
 原來我剛剛借的Omega et l'ourse是她的作品！

聖馬洛漫畫節遊記

遞交作品幾天之後，我就收到Quai des Bulles（漫畫灣岸）寄來的信，通知我的作品入了圍。大會還送上兩張展覽入場券，邀請我出值29號頒奬典禮。對於入圍一事我並不驚訝，一來抱著平常心志在參與，二來對自己的作品多少有點信心。我反而對於聖馬洛之行充滿期待，聽說她是個很美麗的城市。我當然很想知道其他獲選作品的水準，以及參觀各個展館，了解法國漫畫文化。

巴黎距離聖馬洛只有三個小時火車。出發之前一個星期，因為要接待來巴黎旅遊的父母，我一直充當嚮導，在各個我已經參觀過的博物館和景點之間奔波。現在終於可以做回遊客，享受探索未知的樂趣。聖馬洛是一個港口，外面就是英倫海峽。最有特色就是舊城區intra muro的小街和城牆、城牆外的沙灘、退潮時可徒步而至的小島、每日兩次澎湃的潮漲。我在這裡留了三天，有機會另文再談漫畫節以外的遊記。

漫畫節主要在兩個大會堂舉行。下圖是從舊城區的城堡拍的。左面連著沙灘的是展覽中心palais du Grand Large，展覽漫畫家作品、舉辦講座、頒奬、接待傳媒。右面內港岸邊是幾個禮堂Espace Duguay-Trouin，供各個出版社參展。

  

Palais du Grand Large有兩個展覽。第一個是由漫畫書商Delcourt搞的專題展《Le Triangle fantastique奇幻三角》，展出旗下十一本作品的原稿，包括《De Cape et de Crocs》和我很欣賞的《Julius Corentin Acquefacques》(早前文學老師也有談到這個作品，我遲些再寫)。雖說Delcourt是大書商，但旗下的漫畫題材和風格都相當多元。

另外一個展館展出Ralph Meyer 的原稿。

另外一個展館展出已故大師Georges Beuville的原稿。Beuville替很多小說和雜誌畫插畫，例如金銀島、Oliver Twist、鐘樓駝俠等。Beuville的作品混合各種顏料，線條細膩之餘，整體氣氛很濃厚，值得研究。

來到Espace Duguay-Trouin，書商在推廣他們的作品，作者就替粉絲畫畫和簽名。

回到Palais du Grand Large，我出席新秀比賽的頒奬典禮。我早到一步，先觀摩了其他入圍作品。經過比較之後，我認為作品算是滿有誠意去演繹《粒子加速器》這個題材，得奬的可能性相當高，有期望就有壓力！大會先頒發十六歲以下的奬，之後頒發十六歲以上，我得了大奬！

頒奬典禮過後好像沒有甚麼後續的官方活動，我們幾個在場的參加者就自動圍在一起，介紹自己的作品，交個朋友。其中兩個年紀跟我相近，本身做其他職業，漫畫算是工餘興趣。奬品是兩大袋顏料，在巴黎買的話可能要幾百歐！很慚愧的是我的作品多是在電腦裡面畫的，不過這些顏料會推動我去試多點手畫，反正我都需要繼續訓練上色技巧和摸索自己的風格。

漫畫節由二十八號開始為期三日，我們二十九日到達，在當日參觀了所有的展館，但就沒有去座談會、專業級的頒奬典禮。三十號那天，非常熱情的couchsurfing屋主帶我們參觀旅遊景點以外的地方，我們就撇下了漫畫節，開始Saint Malo和mont Saint Michel之旅！

感想：我零九年參觀過安古蘭（Angouleme）的漫畫節。我比較喜歡看原稿展、比賽作品展、小書商攤檔，因為我可以慢慢看圖或看字，可以找尋新的「指導」，獲益不淺。從這個角度去比較，Saint Malo的規模比Angouleme小得多。不過法國漫畫歷史悠久，漫畫家多不勝數，每個漫畫節的展覽都有新東西看。此外，Saint Malo漫畫節有自己的個性（至少有真正的「無敵海景」襯托！），例如漫畫家親臨跟fans見面、即場創作、座談會。不過這些對我來說暫時距離比較遠，因為我認畫不認人…我還是需要平時多看法國漫畫，才能慢慢融入他們的圈子。

連結
*Quai des Bulles的blog，記錄了整個活動，漫畫家們還圖文記錄了他們在Saint Malo的生活。
*BDbuzz，android手機的漫畫閱讀器，推廣獨立漫畫出版。軟件半身免費，漫畫部分免費。這次saint malo我們jeune talent的比賽作品也收錄在裡面，免費瀏覽（但電話熒幕太小了吧，不方便看漫畫…）。

《粒子加速器》！

終於完成了！

不但粒子在加速，我也在加速。上個月還是好整以暇，慢慢構思劇本，還到巴黎附近的公園逛逛。這幾天臨急抱佛腳，日以繼夜的畫。昨晚畫到今早，睡了一會，便起來到影印舖印出來、剪貼在大會指定尺寸的畫紙上，還自製了一個堅硬的大信封，趕在郵局截郵之前寄出作品。

過去的一個月我在「理想」中構思劇本，這幾天就在「妥協」中完成作品。劇本方面，我簡化了劇情、刪去了大部分文字；技術方面，我放棄了手畫，改以電腦畫，方便修改和上色。故事和畫面因而變得更完整，但就去不到我想要的深度。我要記住這種失落感，因為實在重複太多次了！明明知道自己可以做得更好，就是不夠勤力！我要盡量早些投入工作，拉長創作的過程，多畫草稿和做各類的嘗試，還留更多時間去做完稿。

期待聖馬洛的回覆

《粒子加速器》的構思

看著這個題目，我想到手上正在讀的董啟章《時間繁史》。裡面有個讀中學的少女，寫了一系列的《光年詩》。這些詩以物理法則比喻人的情感。其中一首叫《Uncertainty Principle／不確定原理》：

我如何能同時確認

內心的熱情

和自身的處境

正如粒子永遠無法同時測知

速度和位置

魯莽行動做成進退失據

穩定關係導致情感冷卻

如何能防止顧此失彼？

如何能確保兩全其美？

噢！真的不知道！

作者以人倫情感演繹自然現象，同時刻劃少女對愛情的憧憬、對知識的好奇、對表達自我的迫切。因此我想試試向著這個方向演繹《粒子加速器》。